Microsoft Copilot ‘super app’ Update: ஆபிஸ் அளவுக்கு சக்திவாய்ந்ததாக மாறுமா?

கடந்த மாதம் முன்னோட்டமாக வெளியிடப்பட்ட புதிய Copilot "சூப்பர் ஆப்"-ஐ மைக்ரோசாஃப்ட் நிறுவனம் இன்று அதிகாரப்பூர்வமாக அறிமுகப்படுத்துகிறது. இந்த மறுவடிவமைப்பு செய்யப்பட்ட Copilot ஆப், சாட், கோடிங் மற்றும் ஏஜென்ட்டுகள் ஆகிய மூன்று AI வசதிகளையும் ஒரே இடத்தில் வழங்குகிறது. இந்த அறிமுகத்தின் ஒரு பகுதியாக, இந்த ஆண்டு நடைபெற்ற Build மாநாட்டில் அறிமுகப்படுத்தப்பட்ட Scout என்ற AI பர்சனல் அசிஸ்டென்ட்-ன் பெயரை Autopilot என மைக்ரோசாஃப்ட் மாற்றி அமைத்துள்ளது.

இந்த புதிய Copilot ஆப்ஸில் Home, Code, Autopilot என மூன்று டேப்கள் (tabs) கொடுக்கப்பட்டுள்ளன. இதில் Home டேப் என்பது Copilot Chat மற்றும் Cowork ஆகிய இரண்டையும் இணைத்த அமைப்பாகும். இது Copilot பயனர்களுக்கு டீஃபல்ட் முகப்புப் பக்கமாக அமையும். மேலும், முக்கியமான தகவல்களை உடனுக்குடன் காட்டும் தனிப்பயனாக்கப்பட்ட டாஷ்மோர்ட (dashboard) போலச் செயல்படும் 'Today' என்ற புதிய அம்சத்தையும் மைக்ரோசாப்ட் இதில் சேர்க்கத் திட்டமிட்டுள்ளது