iPhone 18 Pro Speaker Issues: சவுண்டு பிரச்சனையால் திணறும் பயனர்கள்

புதிய iPhone 18 Pro போன்களின் ஸ்பீக்கரில் இருந்து விசித்திரமான கிராக்கிங் (crackling) சத்தம் வருவதாக சில பயனர்கள் புகார் தெரிவித்துள்ளனர். இது தொடர்பான புகார்களை MacRumors ஃபோரம் மற்றும் Reddit தளங்களில் பலரும் பகிர்ந்து வருகின்றனர்.

பயனர்கள் இதை ஒருவித முறுமுறுப்பு சத்தம், மெல்லிய டிக் அல்லது பாப் சத்தம் அல்லது சீரற்ற கிளிக் ஒலியாகக் குறிப்பிடுகின்றனர். பலரும் இது இயர்பீஸ் ஸ்பீக்கரில் உள்ள பிரச்சினை என்கிறார்கள். மேலும், iPhone 18 Pro மற்றும் iPhone 18 Pro Max ஆகிய இரண்டு மாடல்களுமே இதனால் பாதிக்கப்பட்டுள்ளதாகத் தெரிகிறது.

சிலருக்கு இந்தச் சத்தம் தொடர்ந்து கேட்கிறது; வேறு சிலருக்கு ஆப்ஸைப் பயன்படுத்தும்போதோ, பிரவுசரில் ஸ்கிரோல் செய்யும்போதுதோ, நோட்டீஸ் வரும்போதுதோ, கீபோர்டு ஓபன் ஆகும்போதுதோ அல்லது செல்லுலார் நெட்வொர்க்கில் கால் பேசும்போதோ கேட்கிறது. இந்தச் சிக்கல் உள்ள போன்களில், ஏர் பிளேன் மோடை ஆன்-ஆஃப் செய்யும்போதும், ஸ்கிரீன் பிரைட்னஸை வேகமாக மாற்றும்போதும் இந்தச் சத்தம் ஏற்படுவதாகப் புகார்கள் தெரிவிக்கின்றன.

Face ID சரிபார்ப்பு தோல்வியடையும்போது iPhone 18 Pro மாடல்கள் ரீஸ்டார்ட் ஆகும் பிழையைச் சரிசெய்ய, Apple நேற்று iOS 27.0.1-ஐ வெளியிட்டது. அதன் வெளியீட்டுக் குறிப்புகளில் ஸ்பீக்கர் பிரச்சனைக்கான தீர்வு பற்றி எதுவும் குறிப்பிடப்படவில்லை; இந்த அப்டேட் உதவவில்லை என்றே ஆரம்பகட்டக் கருத்துகள் தெரிவிக்கின்றன.

தங்கள் iPhone 18 Pro போன்களைத் திருப்பி அனுப்பிவிட்டு, அதே குறையுடன் இரண்டாவது போனைப் பெற்றதாகச் சில பயனர்கள் தெரிவித்துள்ளனர். இந்தப் பிரச்சினைக்கு என்ன காரணம் என்பது இன்னும் தெளிவாகத் தெரியவில்லை. இது ஒரு மென்பொருள் கோளாறாக இருந்தால், எதிர்கால அப்டேட் மூலம் சரிசெய்யப்படலாம்.