iOS 27: கேமரா செயலியில் Visual Intelligence வசதியை பயன்படுத்துவது எப்படி?

தற்போது வெளியிடப்பட்டுள்ள iOS 27 அப்டேட்டில், Apple நிறுவனம் iPhone-ன் கேமரா ஆப்ஸில் சில புதிய மாற்றங்களையும் சிறப்பம்சங்களையும் சேர்த்துள்ளது. குறிப்பாக, இதில் புதிதாக Siri மோட் சேர்க்கப்பட்டுள்ளது.

வீடியோ, போட்டோ மற்றும் பிற கேமரா மோட்களுடன் கூடுதலாக, திரையின் கீழே உள்ள மோட் கேரௌசலில் ஸ்வைப் செய்வதன் மூலம் Siri மோட்டைப் பயன்படுத்தலாம்.

இந்த புதிய மோட், Visual Intelligence-ஐ பயன்படுத்தி நம் கேமராவுக்குள் இருக்கும் பொருட்களை அடையாளம் கண்டு அது பற்றிய தகவல்களைத் தரும். செடிகள், விலங்குகள், உணவுகள் என பலவற்றையும் இதன் மூலம் தெரிந்து கொள்ளலாம். உதாரணமாக, ஒரு உணவின் போட்டோவை காட்டினால், அது என்ன உணவு என்றும், அதில் எத்தனை கலோரிகள் உள்ளன என்பதையும் அது சொல்லிவிடும்.

நிகழ்ச்சி விளம்பர துண்டுப் பிரசுரத்தை (flyer) போட்டோ எடுத்து அதன் தேதியை Calendar ஆப்பில் சேர்ப்பது, மொழிபெயர்ப்பு செய்வது, உணவகக் கட்டணத்தைப் பகிர்வது (bill splitting) போன்ற பல வேலைகளுக்கும் இந்த Siri மோடைப் பயன்படுத்தலாம்.

Siri மோடில் இருக்கும்போது, வலது பக்க பட்டனை அழுத்தி Google Images-ல் தேடலாம்; இடது பக்க பட்டனைப் பயன்படுத்தி குறிப்பிட்ட கேள்விகளைக் கேட்கலாம். உதாரணமாக, உங்கள் கேமரா ஃபிரேமில் உள்ள உணவை எப்படிச் சமைப்பது என்று கூட நீங்கள் உதவி கேட்கலாம்.