தவறாக டச் ஆகும் Messages பட்டனை ஹைட் செய்ய வழி செய்யும் iOS 27

Messages ஆப்பில் டெக்ஸ்ட் அனுப்பிய பிறகு, தற்செயலாக டிக்டேஷன் அல்லது வாய்ஸ் ஐகானை அழுத்திவிட்டால், உங்கள் iPhone கேட்கத் தொடங்கும் போது பின்னணி இசை நின்றுவிடும். இது ஒரு சிறிய தொந்தரவுதான், ஆனால் அடிக்கடி நடக்கக்கூடியது; ஏனெனில் டிக்டேஷன்/ஆடியோ ஐகான் செண்ட் பட்டனுக்கு அருகில் இருப்பதால், தவறுதலாக கைபடுவதைத் தவிர்க்க முடியாது. iOS 27 மற்றும் iPadOS 27-ல், இதற்கு Apple இறுதியாக ஒரு தீர்வை வழங்கியுள்ளது.

பிரபல பாப் பாடகர் Justin Bieber, செண்ட் பட்டனின் பல செயல்பாடுகள் ஒன்றுக்கொன்று மிக அருகில் இருப்பதாக சமூக வலைத்தளத்தில் பகிரங்கமாகவே குற்றம்சாட்டியிருந்தார். அவரது அந்தப் பதிவு இணையத்தில் வைரலானதை அடுத்து, வரவிருக்கும் iOS 27 பதிப்பில் Apple நிறுவனம் இதற்கு ஒரு தீர்வை வழங்கி உள்ளது.

மிக எளிமையாகச் சொல்வதென்றால், மெசேஜ் டைப் செய்யும் பகுதியில் இப்போது புதியதொரு செட்டிங் சேர்க்கப்பட்டுள்ளது. வாய்ஸ் மெசேஜ் பதிவு செய்ய ஆடியோ அலைவரிசைக் குறியீடு (waveform icon), குரல்வழியாக டைப் செய்ய மைக்ரோஃபோன் குறியீடு, அல்லது இவை இரண்டும் வேண்டாம் எனில் எதையும் காட்டாமல் இருக்கச் செய்யும் வசதி ஆகியவற்றுள் உங்களுக்குப் பிடித்ததைத் தேர்வு செய்துகொள்ளலாம். இதை எங்கு கண்டுபிடித்துப் பார்ப்பது என்று கீழே பார்க்கலாம்:

1. iPhone அல்லது iPad-ல் Settings ஆப்பைத் திறக்கவும்.
2. பட்டியலின் கீழே உள்ள Apps-ஐத் தட்டவும்.
3. Messages-ஐத் தேர்ந்தெடுக்கவும்.
4. Show in Text Field-ஐத் தட்டவும்.
5. Record Audio, Start Dictation, None ஆகிய மூன்றில் ஒன்றைத் தேர்ந்தெடுக்கவும்.

அடிக்கடி தவறுதலாக அந்த ஐகானை அழுத்துபவர்கள் None-ஐத் தேர்ந்தெடுக்கலாம்.

எப்போதாவது வாய்ஸ் மெசேஜ் அனுப்புபவர்கள் கவலைப்பட வேண்டாம்; டைப் செய்யும் பகுதியின் இடதுபுறம் உள்ள plus (+) பட்டன் மூலம் Audio-வைத் தேர்ந்தெடுக்கலாம். டிக்டேஷன் தேவைப்பட்டால், iOS கீபோர்டின் கீழ் வலதுபுறம் உள்ள மைக்ரோஃபோன் கீயைப் பயன்படுத்தலாம் (அது இல்லையென்றால் Settings ➝ General ➝ Keyboard-ல் Enable Dictation-ஐ ஆன் செய்யவும்).

iOS 27 செப்டம்பர் 14 முதல் தகுதியான அனைத்து iPhone-களுக்கும் கிடைக்கிறது.