iOS 27 அப்டேட்: Find My ஆப்-ல் குறிப்பிட்ட நபர்களிடமிருந்து லொக்கேஷனை தற்காலிகமாக மறைக்கலாம்

Apple-ன் முதல் iOS 27 டெவலப்பர் பீட்டா பதிப்பிலேயே, Find My ஆப்பில் புதிய வசதி ஒன்று சேர்க்கப்பட்டுள்ளது. இதன் மூலம், உங்களின் இருப்பிடத்தை குறிப்பிட்ட சிலரிடம் இருந்து தற்காலிகமாக மறைத்து வைத்துக் கொள்ள முடியும்.

People பிரிவில் உள்ள My Location பகுதியில், பயனர்களின் Find My கார்டில் புதியதாக "Hide Location" என்ற ஆப்ஷன் சேர்க்கப்பட்டுள்ளது. இதைத் தட்டினால், உங்களது இருப்பிடம் (Location) தற்காலிகமாக 12 மணி நேரத்திற்கு மறைக்கப்படும்; அதன்பிறகு, முன்பு எப்படிப் பகிரப்பட்டதோ அதே நிலைக்குத் தானாகவே மாறிவிடும். இந்த ஆப்ஷனை ஆன் செய்தவுடன், அது "Unhide Location" என்று மாறிவிடும்.

இந்த அம்சத்தை நீங்கள் ஆன் செய்தாலும், உங்கள் இருப்பிடத்தை மறைப்பது பற்றி அந்த நபருக்கு எந்தவித அறிவிப்பும் செல்லாது; மாறாக, அவர்களின் சாதனத்தில் உங்கள் Find My கார்டில் "No Location Found" என்று மட்டுமே காட்டும்.