iPhone Home Screen-ல் Clear App Icons-ஐ பெறுவது எப்படி?

செப்டம்பர் 2025-ல் Apple நிறுவனம் iOS 26-ஐ வெளியிட்டது. இதில் புதிய 'Liquid Glass' வடிவமைப்பு அறிமுகப்படுத்தப்பட்டுள்ளது. இதன் மூலம் சிஸ்டம் இடைமுகம் மற்றும் ஸ்டாக் ஆப்ஸ்கள் அனைத்திலும் ஒளிஊடுருவும் (translucent) அம்சங்கள் சேர்க்கப்பட்டுள்ளன.

ஹோம் ஸ்கிரீனில், சர்ச் பார், டாக் மற்றும் ஆப் ஃபோல்டர்கள் அனைத்தும் ஒளி ஊடுருவக்கூடிய (translucent) வடிவத்தில் உள்ளன. இயல்பாகவே, ஆப் ஐகான்கள் புதிய லேயர்டு கிளாஸ் தோற்றத்தில் காட்சியளிப்பதால் அவற்றுக்கு ஒரு கூடுதல் ஆழம் கிடைக்கிறது. அதுமட்டுமின்றி, "Clear" கிளாஸ் போன்ற ஐகான்களைத் தேர்வு செய்யும் வசதியும் கொடுக்கப்பட்டுள்ளது. இந்த அமைப்பை மாற்றினால், ஆப் ஐகான்களும் சரி, விட்ஜெட்களும் சரி, முழுமையாகத் transparent-ஆக மாறிவிடும். எனவே, உங்களுக்கு முழுமையான கிளாஸ் எஃபெக்ட் வேண்டுமானால் தொடர்ந்து படியுங்கள்.

iOS 18-ல் ஆப்பிள் நிறுவனம் டார்க் மோட் (Dark Mode) மற்றும் கலர் மாத்தும் வசதியை அறிமுகப்படுத்தியது. இந்நிலையில், iOS 26 மற்றும் iPadOS 26 பதிப்புகளில் 'கிளியர்' (Clear) என்ற புதிய தோற்றத்தை ஆப்பிள் கொண்டு வந்துள்ளது. இதன் மூலம் ஆப் ஐகான்கள் மற்றும் விட்ஜெட்டுகளில் உள்ள நிறங்கள் நீக்கப்பட்டு, கண்ணாடி போல ஒளி ஊடுருவும் வகையில் கவரும் விதமான பளபளப்பான தோற்றம் வழங்கப்பட்டுள்ளது.

Clear ஸ்டைலில் இரண்டு வெர்ஷன்கள் உள்ளன. லைட் மோடில் (Light mode), ஆப் ஐகான்கள் லேசான ஒளி ஊடுருவக்கூடிய (semi-transparent) தோற்றத்துடன் இருக்கின்றன; இவை பின்னணியில் உள்ள வால்பேப்பரை லேசாக இருட்டமைக்கின்றன. ஐகான்களும் விட்ஜெட்டுகளும் (widgets) பல அடுக்குகளைக் கொண்ட டெக்ஸ்ட் மற்றும் படங்களுடன் கூடிய கண்ணாடிப் பலகைகள் போலக் காட்சியளிக்கின்றன. டார்க் மோடில் (Dark mode), ஐகான்கள் தங்களது ஒளி ஊடுருவும் தன்மையை வைத்திருந்தாலும், டார்க் பின்னணியுடன் சற்று தெளிவாகத் தெரிவதுடன், அந்த கண்ணாடி போன்ற லேயர் தோற்றத்தையும் தக்கவைத்துக் கொள்கின்றன.

உங்கள் iPhone-ன் தோற்றத்திற்கு ஏற்ப (Appearance setting) தானாகவே மாறிக்கொள்ளும் ஒரு Auto தேர்வையும் Apple வழங்கியுள்ளது.

iOS 26-ல் ஆப் ஐகான்களைத் தெளிவாக மாற்றுவது எப்படி

1. உங்கள் iPhone-ன் ஹோம் ஸ்கிரீனில் (Home Screen) காலியாக இருக்கும் ஒரு இடத்தை, ஐகான்கள் அசையத் தொடங்கும் வரை அழுத்திப் பிடிக்கவும்.

2. மேல் இடது மூலையில் உள்ள Edit என்பதைத் தட்டி, பின்னர் பாப்-அப் மெனுவில் உள்ள Customize என்பதைத் தேர்ந்தெடுக்கவும்.

3. கீழே தோன்றும் பேனலில் Clear என்பதைத் தேர்ந்தெடுக்கவும்.

4. Light, Dark அல்லது Auto மோடைத் தேர்ந்தெடுக்கவும். ஏதேனும் ஒரு மோடு ஐகான்களோ அல்லது ஆப் பெயர்களையோ பார்ப்பதை கடினமாக்கினால், கஸ்டமைஸ் பேனலின் இடது மேல் மூலையில் உள்ள சூரியன் (sun) ஐகானைத் தட்டி வால்பேப்பரின் வெளிச்சத்தைக் குறைக்கலாம்.

அணுகல் தன்மை அமைப்புகள்

எழுத்துக்களைப் படிப்பது கடினமாக இருந்தால், Settings ➝ Accessibility ➝ Display & Text Size என்ற பகுதிக்குச் சென்று, Clear ஸ்டைல் ஐகான்களின் தோற்றத்தை மாற்றக்கூடிய இரண்டு ஆப்ஷன்களைப் பயன்படுத்தலாம். அதில் Reduce Transparency மற்றும் Increase Contrast ஆகியவற்றை மாற்றி அமைத்து முயற்சிக்கவும். ஆனால், இந்த இரண்டு ஆப்ஷன்களையும் ஆன் செய்தால், ஐகான்களின் ஒளியூடுருவும் தன்மை (translucency) பெரும்பாலும் போய்விடும் என்பதை நினைவில் கொள்ளுங்கள்.

டார்க் மோடில் தெளிவான ஐகான் நடை (இடதுபுறம்) மற்றும் அக்சஸபிலிட்டி அமைப்புகளின் டாக்ஸ்கள்

iPadOS 26, macOS 26, watchOS 26 மற்றும் tvOS 26 ஆகிய இயங்குதளங்களுக்கும் 'Liquid Glass' வடிவமைப்பு விரிவுபடுத்தப்பட்டுள்ளது. iPadOS 26 பார்ப்பதற்கு கிட்டத்தட்ட iOS 26 போன்றே உள்ளது. macOS 26-ல் ஒளி ஊடுருவக் கூடிய மெனு பார் (menu bar) மற்றும் டாக் (dock) பின்னணி வழங்கப்பட்டுள்ளதுடன், பட்டன்கள், சைட் பார் (side bars), நேவிகேஷன் பார் மற்றும் கண்ட்ரோல் சென்டர் ஆகியவற்றிலும் இந்த Liquid Glass பயன்படுத்தப்பட்டுள்ளது. 2026 செப்டம்பரில் வெளிவரும் என எதிர்பார்க்கப்படும் iOS 27 மற்றும் பிற இயங்குதளங்களில் இந்த Liquid Glass வடிவமைப்பு மேலும் மெருகூட்டப்பட்டு வெளியிடப்படவுள்ளது.