Leak: புதிய 3 கலர்களில் வரும் Apple HomePod mini 2

ஆப்பிள் நிறுவனத்தின் புதிய HomePod mini ஸ்பீக்கர், பழைய மாடலின் அதே வடிவமைப்பைக் கொண்டிருக்கும் என்றும், அது ஐந்து வண்ணங்களில் வெளிவரும் என்றும் MacRumors தளம் கண்டறிந்துள்ளது.

இந்தத் தகவல்கள் Apple நிறுவனத்தின் சொந்தக் குறியீட்டிலிருந்தே கசிந்துள்ளன. (MacRumors தளத்தின் பங்களிப்பாளர் ஆரோன் பெரிஸ் இதைக் கண்டுபிடித்துள்ளார்). மேலும் இது புதிய மாடல்களின் அனைத்து வண்ணங்களிலான தெளிவான தயாரிப்புப் படங்களைக் காட்டுகிறது. மேலே உள்ள படத்தில் Apple நிறுவனத்தின் சொந்த ஐகான்கள் உள்ளன, அவை குறிப்பாக "HomePod mini 2" ஐக் குறிக்கின்றன.

புதிய HomePod mini பச்சை, பிங்க், நீலம், வெள்ளை மற்றும் கருப்பு ஆகிய நிறங்களில் வெளிவரவுள்ளது. தற்போதுள்ள மாடல் மஞ்சள், ஆரஞ்சு, நீலம், வெள்ளை மற்றும் மிட்நைட் நிறங்களில் கிடைக்கின்றது. இதில் புதிய நீல நிறமானது தற்போதைய நிறத்தை விட சற்று லைட்டாக இருக்கும்.

கோப்புகளின் முழு விவரங்களை நாங்கள் வெளியிடவில்லை என்றாலும், ஆப்பிள் நிறுவனத்தின் கோடிக்கில் இவைகை இடம்பெற்றுள்ளதை வைத்துப் பார்க்கும்போது, அந்தப் பொருள் விரைவில் சந்தைக்கு வரக்கூடும் என்று தெரிகிறது.

2020 அக்டோபர் மாதம் Apple நிறுவனம் அசல் HomePod mini-யை 99 டாலர் விலையில் அறிமுகப்படுத்தியது. தொடக்கத்தில் வெள்ளை மற்றும் ஸ்பேஸ் கிரே ஆகிய இரண்டு வண்ணங்களில் வெளிவந்த இந்த 3.3 அங்குல ஸ்பீக்கர், துணியால் மூடப்பட்ட கோள வடிவமைப்புடன், பாடல்களைக் கட்டுப்படுத்தவும் சத்தத்தைக் கூட்டவும் ஒளிரும் தொடுதிரையைக் கொண்டுள்ளது.

இதன் S5 சிப் கணினி வழி ஒலியை (computational audio) வழங்குகிறது. மேலும், முழு அளவிலான ஸ்பீக்கர் இயக்கி (full-range driver), இரண்டு பேசிவ் ரேடியேட்டர்கள் மற்றும் ஒலி அலை வழிகாட்டி (acoustic waveguide) ஆகியவை இணைந்து 360 டிகிரி சுற்றளவு ஒலியை உருவாக்குகின்றன.

இதுதவிர, Siri வசதி, ஸ்மார்ட் ஹோம் கட்டுப்பாடு, பல அறைகளில் ஒலியை ஒலிக்கச் செய்யும் வசதி, மற்றொரு HomePod mini-யுடன் இணைத்து ஸ்டீரியோ ஒலியைப் பெறும் வசதி மற்றும் Apple சாதனங்களுக்கு இடையே இன்டர்காம் (Intercom) மூலம் செய்தி அனுப்பும் வசதிகளையும் இது கொண்டுள்ளது. இதன் விலையை Apple நிறுவனம் பின்னர் 129 டாலராக உயர்த்தியது.

புதிய HomePod mini மாடலை உருவாக்குவதில் Apple நிறுவனம் பல ஆண்டுகளாக ஈடுபட்டு வருவதாகத் தகவல்கள் வெளியாகி வருகின்றன. இந்தச் சாதனத்தில் புதிய சிப் இடம்பெறுவதுடன், Siri AI ஆதரவும் உறுதியாக வழங்கப்படும் என்று எதிர்பார்க்கப்படுகிறது. இது 2026-ஆம் ஆண்டின் இறுதிக்குள் வெளியிடப்படலாம் என எதிர்பார்க்கப்படுகிறது.