Apple Smart Home Display Release Date: அடுத்த மாதம் அறிமுகம்?

Bloomberg ஊடகத்தின் மார்க் குர்மேன் வெளியிட்டுள்ள தகவலின்படி, நீண்ட நாட்களாக எதிர்பார்க்கப்படும் Apple நிறுவனத்தின் ஸ்மார்ட் ஹோம் டிஸ்பிளே சாதனம் வரும் அக்டோபரிலேயே அறிமுகப்படுத்தப்படலாம்.

இந்த இரண்டு மாடல்களும் சதுர வடிவிலான சிறிய டிஸ்ப்ளேவைக் கொண்டிருக்கும் என்று கூறப்படுகிறது. ஒன்று மேஜை அல்லது கவுண்டரில் வைப்பதற்கான ஸ்டாண்டுடன் வரும், மற்றொன்று சுவரில் மாட்டிக்கொள்ளும் வகையில் இருக்கும். இதன் திரை அளவு, அமேசான் எக்கோ ஷோ (Amazon Echo Show) மாடல்களை விடச் சிறியதாக இருக்கும் என்று எதிர்பார்க்கப்படுகிறது.

ஸ்மார்ட் ஹோம் சாதனங்களைக் கட்டுப்படுத்துவது, இன்டர்காம் மூலம் பேசுவது, பாட்டு மற்றும் வீடியோக்களை இயக்குவது, மேலும் Calendar, Notes, Reminders போன்ற செயலிகளைப் பயன்படுத்துவது போன்ற வசதிகளும் இதில் எதிர்பார்க்கப்படுகின்றன. இதை அமைப்பதற்கும் (setup) சில பிரத்யேக வசதிகளுக்கும் iPhone அவசியமானது.