iOS 27 Parental Controls பயன்படுத்துவது எப்படி: Apple வெளியிட்ட புதிய Guide

குழந்தைகள் டிஜிட்டல் சாதனங்களை ஆரோக்கியமான முறையில் பயன்படுத்த உதவுவதற்காக, புதிய வழிகாட்டுதல் கையேடு ஒன்றை Apple நிறுவனம் வெளியிட்டுள்ளது. iOS 27, iPadOS 27 மற்றும் macOS Golden Gate ஆகிய இயங்குதளங்களில் உள்ள குழந்தை பாதுகாப்பு அம்சங்களை பெற்றோர்கள் எவ்வாறு திறம்பட பயன்படுத்துவது என்பதை இது விளக்குகிறது. "Building Healthy Digital Habits: A Guide for Families" என்ற பெயரிடப்பட்டுள்ள இந்தக் கையேடு, அமெரிக்க குழந்தை நல மருத்துவ சங்கத்துடன் (AAP) இணைந்து உருவாக்கப்பட்டுள்ளதாக Apple தெரிவித்துள்ளது.

ஸ்கிரீன் டைமைத் தூக்கம், உடற்பயிற்சி, படிப்பு, மற்றும் நண்பர்கள்-குடும்பத்தினருடன் செலவிடும் நேரம் ஆகியவற்றுடன் எப்படி சமன் செய்வது என்பதை இந்த ஆறு கட்ட வழிகாட்டி விளக்குகிறது. ஸ்கிரீன் டைம் வரம்புகளைக் கடைப்பிடிக்கக் குழந்தைகளை எப்படிச் சம்மதிக்க வைப்பது மற்றும் பல்வேறு பேரண்டல் கண்ட்ரோல் (parental control) அம்சங்களை எவ்வாறு பயன்படுத்துவது என்பது பற்றிய ஆலோசனைகளும் இதில் உள்ளன. Apple நிறுவனத்தின் அறிவிப்பிலிருந்து:

• ஸ்கிரீன் டைம் குறித்த உரையாடலைத் தொடங்குங்கள். பெற்றோர்கள் இத்தகைய தலைப்புகளை அணுகுவதற்கும், குழந்தைகள் இந்தத் திட்டத்தில் தங்களையும் இணைத்துக் கொள்வதை உணரும் வகையில் எதிர்பார்ப்புகளை உருவாக்குவதற்கும் சில குறிப்புகள் இதில் உள்ளன.
• ஒரு Child Account-ஐ உருவாக்கவும். இது வயதுக்கேற்ற பாதுகாப்புகளை இயக்குவதுடன், பெற்றோர்கள் தங்கள் குழந்தையின் அனுபவத்தை நிர்வகிப்பதற்கான பேரண்ட் கண்ட்ரோல் (parental controls) வசதிகளையும் வழங்குகிறது.
• Ask to Buy மற்றும் Ask to Browse உள்ளிட்ட வலைத்தளங்கள் மற்றும் செயலிகளுக்கான பாதுகாப்பு அமைப்புகளை அமைக்கவும். இதன் மூலம் குடும்பங்கள் புதிய செயலிகளையும் வலைத்தளங்களையும் ஒன்றாக மதிப்பாய்வு செய்யலாம்.
• Time Allowances மற்றும் Schedules-ஐப் பயன்படுத்தி சாதனத்தைப் பயன்படுத்துவதற்கான அட்டவணையை உருவாக்குங்கள். இது ஆன்லைன் நேரத்தை தூக்கம், வீட்டுப்பாடம், உடல் செயல்பாடு மற்றும் குடும்பம் மற்றும் நண்பர்களுடன் செலவிடும் நேரத்துடன் சமநிலைப்படுத்த உதவுகிறது.
• தொடர்புகளை நிர்வகிக்கவும். உங்கள் குழந்தை யாருடன் தொடர்பு கொள்ளலாம் என்பதைப் பெற்றோர்கள் முடிவு செய்யலாம். மேலும், 18 வயதுக்குட்பட்ட அனைத்து பயனர்களுக்கும் இயல்பாகவே ஆன் செய்யப்பட்டுள்ள Communication Safety, குழந்தைகள் உணர்திறன் வாய்ந்த உள்ளடக்கங்களைப் பார்ப்பதிலிருந்து அல்லது பகிர்வதிலிருந்து பாதுகாக்க உதவுகிறது.
• குழந்தைகள் வளர வளர உரையாடலைத் தொடருங்கள். குடும்பத்தின் திட்டத்தை காலப்போக்கில் எவ்வாறு மாற்றுவது என்பது குறித்த வழிகாட்டுதல்களுடன் இது அமைகிறது.

குழந்தைகள் மற்றும் டீனேஜர்கள் எந்த வயதில் எவ்வளவு நேரம் மொபைல், டிவி போன்ற ஸ்கிரீன்களைப் பயன்படுத்தலாம் என்பது குறித்த AAP-இன் பரிந்துரைகளும், ஆரோக்கியமான டிஜிட்டல் பழக்கங்களை அவர்களிடம் வளர்க்க உதவும் வழிகாட்டிகளும் இதில் இடம்பெற்றுள்ளன.

iOS 27 அப்டேட்டில் பெற்றோர்கள் தங்கள் குழந்தைகளின் பயன்பாட்டைக் கட்டுப்படுத்த புதிய வசதிகளும், மேம்படுத்தப்பட்ட Screen Time அம்சமும் சேர்க்கப்பட்டுள்ளன. இதன் மூலம், குழந்தைகள் எந்தெந்த ஆப்ஸ்களைப் பயன்படுத்தலாம் என்பதைத் தேர்ந்தெடுக்கலாம்; இணையதளப் பயன்பாட்டைக் கண்காணிக்கலாம் மற்றும் கட்டுப்படுத்தலாம்; அனுமதிக்கப்பட்ட தொடர்புகளை நிர்வகிக்கலாம்; மேலும் நாளின் வெவ்வேறு நேரங்களுக்கு ஏற்ப ஸ்கிரீன் டைம் அட்டவணையை அமைக்கலாம். இந்த புதிய Screen Time அம்சத்தைப் பயன்படுத்த, Family Sharing குழுவில் உள்ள அனைத்து சாதனங்களிலும் iOS 27, iPadOS 27, macOS 27, watchOS 27 மற்றும் visionOS 27 ஆகிய மென்பொருட்கள் இயங்க வேண்டியது அவசியம்.

UK, U.S., ஆஸ்திரேலியா உள்ளிட்ட நாடுகளில் குழந்தைகள் பாதுகாப்பு தொடர்பான ஒழுங்குமுறைச் சட்டங்களால் Apple நிறுவனம் பல்வேறு அழுத்தங்களை எதிர்கொண்டு வரும் தற்போதைய சூழலில், இந்த வழிகாட்டுதல்கள் வந்துள்ளன.

தொடர்புடைய தொகுப்புகள்: iOS 27, iPadOS 27