AMD Deal: $8 பில்லியன் மதிப்பிற்கு AI ஸ்டார்ட்அப் World Labs-ஐ வாங்குவதாக அறிவிப்பு

World Labs-ன் இணை நிறுவனரும் CEO-வுமான Fei-Fei Li. | Bloomberg via Getty Images

பிரபல செயற்கை நுண்ணறிவு ஆராய்ச்சியாளர் Dr. Fei-Fei Li-ஆல் தொடங்கப்பட்ட World Labs நிறுவனத்தை, தோராயமாக 820 கோடி டாலர் மதிப்பிலான பங்குகள் பரிமாற்ற ஒப்பந்தம் மூலம் AMD நிறுவனம் வாங்குவதாக அறிவித்துள்ளது. கடந்த 2024-ல் தொடங்கப்பட்ட இந்த World Labs நிறுவனம், சில மாதங்களிலேயே 100 கோடி டாலர் மதிப்பு எட்டியது. பயனர்கள் கொடுக்கும் குறிப்புகளைக் கொண்டு ஊடாடும் (interactive) 3D உலகங்களை உருவாக்கும் Marble என்ற தங்களது முதல் வணிகப் பொருளை இந்நிறுவனம் 2025-ல் அறிமுகப்படுத்தியது குறிப்பிடத்தக்கது.

இந்த ஒப்பந்தம் இந்த ஆண்டின் இறுதிக்குள் முடிவுக்கு வரும் என்று எதிர்பார்க்கப்படுகிறது. AMD நிறுவனத்தின் தலைமை நிர்வாக அதிகாரி Lisa Su-விடம் அறிக்கை அளிக்கும் வகையில், Li அந்நிறுவனத்தின் நிர்வாகத் துணைத் தலைவராகவும் (EVP) தலைமை விஞ்ஞானியாகவும் பொறுப்பேற்பார். அதேசமயம், World Labs குழுவானது "AI மாடல் ஆராய்ச்சியை மேம்படுத்துவதில் தொடர்ந்து கவனம் செலுத்தும்" என்றும் AMD குறிப்பிட்டுள்ளது.